Utfordringar for nynorskelevane i ei digitalisert skriveopplæring

Artikkelen undersøkjer konsekvensar av digitalisering i den fyrste lese- og skriveopplæringa for elevar i Noreg som har nynorsk som opplæringsspråk. Det er gjort ei kvalitativ undersøking med analyse av videoobservasjon frå byrjarklasserom der elevane nyttar personlege nettbrett i skriveopplæringa. Eit viktig funn er at i skriveopplæringa for nynorskelevar er fleire av læringsressursane som blir nytta, på bokmål. I elevane si eiga skriving vart ulike modelltekstar, inkludert tekstar på bokmål, særleg viktige. Eit anna funn er at skrivestøtteprogram var til lite hjelp i å skriva nynorsk. Studien bidreg med kunnskap om korleis bruk av digitale verktøy og ressursar verkar inn på skriveopplæringa til nynorskelevane og set slik søkjelys på skriveopplæring på mindre brukte språk i møte med ny teknologi. English abstract Challenges for Nynorsk Learners in Digitalized Writing Instruction The present study examines the consequences of digitalization in initial literacy instruction for pupils using the official, but lesser-used written form of the language, Nynorsk. A qualitative study using analyses of video observations from beginners’ classrooms, where students use tablets during writing instruction, has been conducted. An important finding is that several of the learning resources used in Nynorsk students’ writing instruction use the majority written form of the language, Bokmål. Model texts in Bokmål influence students’ texts. Another finding is that digital writing support was of little use in writing Nynorsk. The present study provides knowledge of how the use of digital tools and resources affect the writing instruction of students using Nynorsk, and, as such, sheds light on writing instruction in lesser-used languages in the face of new technology.