ГЕНДЕР КОНЦЕПЦИЯЛАРИНИНГ ТАСАВВУФИЙ ТАЛҚИНИ (АЛИШЕР НАВОИЙ ИЖОДИ МИСОЛИДА)

Ушбу мақола ўрта аср шарқ адабий-тасаввуфий меросининг глобал гуманитар тадкиқотлар контекстидаги долзарблигини эътиборга олган ҳолда, Алишер Навоий ижодида гендер муносабатларининг концептуаллашув жиҳатларини филологик таҳлил қилишга бағишланган. Тадқиқотнинг методологик асосини гендер тадкиқотлари, тасаввуфшунослик ва матншуносликнинг интегратив ўзаро таъсири ташкил этади. Муаллиф “Хамса” достонларидаги аёл образларининг семантика-символогик майдонини, шунингдек, “Насойим ул-муҳаббат” асаридаги аёл авлиёлар таржимаи ҳолларининг гендер тенглик дискурсини шакллантиришдаги ролини ўрганиш орқали, Алишер Навоийнинг инновацион ёндашуви – аёл шахсини маънавий йўлбошчи ва эпистемологик субъект сифатида кўришини исботлайди. Натижалар шуни кўрсатадики, Алишер Навоийнинг гендер концепцияси жинсий бинарликни инкор қилмайди, балки уни маънавий камолот категорияси томонидан трансцендентлаштиради.