SARI RƏNGİN FOLKLORDA VƏ MİFOLOJİ SEMANTİKADA İKİLİ SİMVOLİKASI

Xülasə.Rənglər yalnız vizual təsvir vasitəsi deyil, həm də mədəniyyətin dərin mənəvi kodlarıdır.Azərbaycan folklorunda sarı rəng həm pozitiv, işıq, günəş, bərəkət, seçilmişlik, həm də neqativ, xəstəlik, zəiflik, hiyləgərlik və təhlükə kimi mənalarla yüklənmişdir.Dədə Qorqud dastanlarında "sarı don", bayatılarda "sarı gül", əfsanə və nağıllarda "sarı at", "sarı bülbül", "sarı qızıl" kimi motivlər vasitəsilə bu rəng həm həyatverici işıq, həm də xəbərdaredici simvol kimi çıxış edir.