Aprender da realidade: a problemática da organización empresarial das cooperativas e a investigación activa participativa

Preséntase a experiencia práctica de aplicación de tres enfoques abordados polas cooperativas do Grupo Fagor desde os inicios dos anos setenta ata os nosos días: o enfoque socio-técnico, a investigación activa participativa e a organización intelixente. Cada experiencia é examinada criticamente indicando en cada caso os principios básicos do enfoque, como foi aplicado e as “leccións aprendidas” das eivas e éxitos obtidos. A investigación activa participativa amosa interese como técnica de aprendizaxe, estimula a práctica reflexiva e facilita a xestión do cambio. Aplicouse en doce empresas cooperativas do Grupo a partir de 1985, co apoio externo de David Greenwood, tendo por obxecto as “culturas organizativas” que operaban nas cooperativas. Nela empregáronse, con distintos resultados, as técnicas de investigación social da enquisa piloto, entrevistas persoais e mesas redondas. A análise desta información e mais de fontes secundarias traduciuse nun documento base para a discusión e elaboración de propostas na fase de *reinformación”.