Principais novidades no imposto sobre a renda das persoas físicas para 2004

Presentación O obxecto das presentes liñas é o de ofrecer unha visión xeral das modificacións introducidas na regulación do IRPF para 2004.Fundamentalmente, debemos examinar a Lei 62/2003, de 30 de decembro, de Medidas Fiscais, administrativas e da orde social (en adiante, LMF/2003), aínda que tamén existen algunhas novidades de importancia introducidas pola Lei 36/2003, de 11 de novembro, de Medidas de Reforma Económica (en adiante, LREB).Como adoita suceder dende antigo, as modificacións son numerosas.Isto obríganos a realizar unha selección das máis importantes, centrando a nosa atención, de maneira especial, nas que presentan algunha incidencia no campo da economía social.Obviamos aquí o comentario ao réxime fiscal das achegas a patrimonios protexidos de persoas con discapacidade, xa que a súa relevancia nos obriga a formular unha análise separada.