Upole katika Manifesto ya Kenya Kwanza

Upole ni suala ambalo limeshughulikiwa na wanazuoni mbalimbali katika tamthilia, vipindi vya runinga, mawasiliano ya bodaboda na abiria na mazungumzo ya redioni. Makala hii inadhamiria kubainisha mchango wa upole katika kufanikisha manifesto ya Kenya Kwanza katika uchaguzi mkuu wa 2022. Utafiti huu uliongozwa na nadharia ya upole ya Brown na Levinson (1987). Katika utafiti huu sampuli lengwa ya manifesto ya Kenya Kwanza ilihusishwa. Data ya utafiti huu ilipatikana kwa kusoma kwa makini manifesto ya Kenya Kwanza na kunakili chini kauli zote zenye upole na kuzisimba. Kisha data hii ilichanganuliwa kwa njia ya maelezo kwa kuongozwa na mkikakati minne ya upole ambayo ni pamoja na: mikakati chanya ya upole, mikakati hasi ya upole, mikakati ndani ya rekodi ya upole na mikakati nje ya rekodi ya upole. Utafiti huu utasaidia kuelewa upole kama mbinu iliyotumiwa kufanikisha kampeni za uchaguzi mkuu wa 2022 na hivyo utafiti huu utawasaidia wanaounda sera zinazohusiana na uchaguzi kuunda sera zinazodhibiti matumizi ya lugha katika kampeni. Pia utafiti huu utasaidia kwa kuipanua nadharia ya upole kimawanda kwa kuichangizia kimaarifa