НАЗИВИТЕ ЗА ТЕМЈАНУШКА ВО МАКЕДОНСКИОТ СТАНДАРДЕН И ДИЈАЛЕКТЕН ЈАЗИК

Во трудот се прави анализа на називите за темјанушка што се појавуваат во македонскиот стандарден јазик и во дијалектите. По краткиот вовед за значењето на растенијата и нивното посебно место во културата и традицијата на секој народ, се дава опис на изгледот на растението темјанушка според ботаничките речници и според македонските толковни речници. Потоа се презентираат сите називи за ова растение што се сретнуваат на целата македонска дијалектна територија. Се дава дистрибуцијата на одделните називи според населените места во коишто се сретнуваат, и наративно и со дијалектна карта. На крајот се дава и етимологија на називите за темјанушка.