MILLIY GEOPORTALNI SUN’IY INTELLEKT TEXNOLOGIYALARI YORDAMIDA TAKOMILLASHTIRISH VA OPTIMALLASHTIRISH (O‘ZBEKISTON MISOLIDA)

Ushbu ilmiy maqolada O‘zbekiston sharoitida milliy geoportal tizimlarini sun’iy intellekt texnologiyalari asosida takomillashtirish va optimallashtirish masalalari chuqur ilmiy tahlil qilinadi. Tadqiqotning asosiy maqsadi geofazoviy ma’lumotlarni yig‘ish, saqlash, qayta ishlash, tahlil qilish, prognozlash va vizualizatsiya jarayonlarini avtomatlashtirish orqali milliy geoportal samaradorligini oshirishdan iborat. Olingan natijalar sun’iy intellekt asosidagi yondashuvlar geoaxborot ma’lumotlarini qayta ishlash tezligini sezilarli darajada oshirishini, fazoviy obyektlarni aniqlash aniqligini 85–90 foizgacha yetkazishini hamda ma’lumotlarni yangilash jarayonlarida inson omiliga bog‘liq xatoliklarni kamaytirishini ko‘rsatdi. Tadqiqot natijalari milliy geoportallarni rivojlantirish bo‘yicha ilmiy asoslangan amaliy tavsiyalar ishlab chiqish uchun xizmat qiladi.