KORRUPSION JINOYATLARNING O‘ZIGA XOS TAHLILI

Mazkur ilmiy maqola korrupsion jinoyatlarning mohiyati, ularning huquqiy tabiatini, sodir etilish mexanizmlarini hamda zamonaviy sharoitda namoyon bo‘layotgan yangi ko‘rinishlarini kompleks o‘rganishga bag‘ishlangan. Korrupsiya bugungi globallashuv va iqtisodiy integratsiya jarayonlarida nafaqat alohida davlatlar, balki butun mintaqalar rivojiga tahdid solayotgan murakkab ijtimoiy-huquqiy hodisa sifatida ko‘rilmoqda. Shu bois tadqiqotda korrupsion jinoyatlarning klassifikatsiyasi, ularni keltirib chiqaruvchi omillar, korrupsiyaviy xavflar va tarmoqlanish xususiyatlari chuqur tahlil qilinadi. Muallif mavjud milliy qonunchilikni xalqaro standartlar bilan qiyosiy o‘rganib, jinoyatlarning oldini olish, aniqlash va ularga barham berishda samaradorlikni oshirish uchun zarur bo‘lgan tashkiliy-huquqiy choralarni asoslab beradi.