XO’JALIK JAMIYATLARI BOSHQARUV ORGANLARI TIZIMIDA IJRO ORGANI: ROSSIYA FEDERATSIYASI MISOLIDA

Maqolada xoʻjalik jamiyatlari boshqaruv organlari tizimi yoritiladi. Bunda majburiy va fakultativ organlar oʻrtasidagi farqlar, ularning tashkil etilish tartibi hamda jamiyat ustavida belgilanishining huquqiy ahamiyati tahlil qilinadi. Ayniqsa, umumiy yigʻilish, yakka ijro organi va ochiq aksiyadorlik jamiyatidagi direktorlar kengashining majburiy ravishda tuzilishi, shuningdek, kollegial ijro organi va taftish komissiyasining fakultativ xarakteri, ularni tashkil etish tartibi va ishtirokchilar qaroriga bogʻliqligi koʻrsatib oʻtiladi.Maqolada Rossiya Federatsiyasi tajribasi asosida tegishli normalar, aksiyadorlik jamiyatlari va masʼuliyati cheklangan jamiyatlar toʻgʻrisidagi qonunlar tahlil qilinib, korporativ boshqaruv organlarining vakolatlari, qaror qabul qilish tartibi va hisobdorligi masalalari yoritilgan. Xususan, kollegial organlarning qaror qabul qilishda qoʻllaniladigan ovoz berish mexanizmlari, kvorum talablari, direktorlar kengashining strategik boshqaruvdagi ahamiyati hamda yakka ijro organining joriy faoliyatni boshqarishdagi roli alohida oʻrin tutadi. Shu asosda maqolada xoʻjalik jamiyatlari ijro organining boshqaruv organlari tizimidagi oʻrni tahlil qilinadi.