MULK HUQUQINI MUHOFAZA QILISH ICHKI ISHLAR ORGANLARINING FAOLIYATI

Mazkur maqolada fuqarolar va yuridik shaxslarning mulk huquqini himoya qilishda ichki ishlar organlarining (IIO) tutgan oʻrni va ishtiroki fuqarolik-huquqiy nuqtai nazardan tahlil qilinadi. Muallif mulk huquqining konstitutsiyaviy kafolatlari, fuqarolik qonunchiligida nazarda tutilgan himoya mexanizmlari hamda ichki ishlar organlarining mazkur jarayondagi vakolatlari va funksiyalarini kompleks yoritadi. Maqolada IIOning mulk huquqini himoya qilishdagi faoliyati bevosita va bilvosita fuqarolik-huquqiy munosabatlar doirasida baholanib, ashyoviy-huquqiy va majburiyat-huquqiy himoya usullari, shuningdek, shartnomaviy va shartnomaviy boʻlmagan himoya mexanizmlari tahlil etiladi. Ilmiy manbalar va amaldagi qonunchilikka tayangan holda, mulk huquqini himoya qilish sohasida ichki ishlar organlari faoliyatini takomillashtirish zarurati asoslab beriladi.