KIBER MAKONDA ERKINLIK VA XAVFSIZLIKNING ETIK CHEGARALARI

Ushbu tezis kiber makonda shaxsiy erkinlik va xavfsizlik konsepsiyalarining murakkab o‘zaro bog‘liqligini va ularning etik chegaralarini tahlil qiladi. Bugungi raqamli davrda axborot texnologiyalarining jadal rivojlanishi bilan shaxsiy ma’lumotlarning himoyasi, internetda so‘z erkinligi, hamda xavfsizlikni ta’minlash masalalari global miqyosda dolzarb ahamiyat kasb etmoqda. Tadqiqot kiber-makonda erkinlik va xavfsizlikni muvozanatlash usullarini aniqlashga, etik me’yorlar va normativ-huquqiy asoslarni chuqur tahlil qilishga qaratilgan. Tezisda nazariy-analitik yondashuvlar, zamonaviy texno-falsafiy konsepsiyalar hamda amaliy tadqiqotlar asosida kiber makondagi inson huquqlari va xavfsizlikni tartibga soluvchi mexanizmlar o‘rganiladi. Shuningdek, tezisda etik dilemma va paradokslar hamda ularning ijtimoiy-falsafiy va texnologik jihatdan yechim topish imkoniyatlari muhokama qilinadi.