DIGITAL DUNYODA YOSHLAR SHAXSIYATINI SHAKLLANTIRISHDAGI MUAMMOLAR

Zamonaviy raqamli texnologiyalar va internet resurslari yoshlarning kundalik hayotida markaziy rol o‘ynamoqda. Shu bilan birga, digital makon yoshlarning shaxsiyati, ijtimoiy kommunikatsiyasi va psixologik holatiga sezilarli ta’sir ko‘rsatmoqda. Ushbu maqola raqamli ijtimoiylashuv jarayonida yuzaga keladigan muammolarni ilmiy jihatdan tahlil qiladi, xususan, yoshlar orasida axborot oqimining haddan tashqari ko‘pligi, virtual ijtimoiy muhitning real hayotdagi ijtimoiy ko‘nikmalarga ta’siri, shuningdek, onlayn kommunikatsiya orqali shakllanayotgan aggressiv va asossiz ijtimoiy xatti-harakatlar kabi masalalar yoritiladi. Tadqiqotda yoshlarning shaxsiyatini rivojlantirish jarayonida digital platformalarning ijobiy va salbiy jihatlari, shuningdek, pedagogik va psixologik vositalar orqali ularning shaxsiy va ijtimoiy kompetensiyalarini mustahkamlash strategiyalari tahlil qilinadi.