O‘ZBEKISTONNING SO‘NGGI TARIXI VA FALSAFA FANINI O‘QITISHDA DIDAKTIK UYG‘UNLIK

Ushbu tezis O‘zbekistonning so‘nggi tarixi kontekstida falsafa fanini o‘qitishda didaktik uyg‘unlik masalalarini ilmiy-tahliliy nuqtai nazardan o‘rganishga bag‘ishlangan. Tadqiqot jarayonida fanlararo integratsiya, pedagogik metodlarning mosligi va o‘quv jarayonida tarixiy va falsafiy bilimlarni uyg‘unlashtirishning samaradorligi masalalari ko‘rib chiqildi. Tezis falsafiy va tarixiy yondashuvlarning o‘zaro bog‘liqligini ochib beradi, didaktik uyg‘unlik kontseptsiyasining nazariy asoslarini yoritadi va zamonaviy pedagogik amaliyotga tatbiq etish imkoniyatlarini tahlil qiladi. Shu bilan birga, tezisda o‘quv jarayonida o‘quvchilarning tanqidiy fikrlash, konseptual tafakkur va ilmiy dunyoqarash ko‘nikmalarini rivojlantirishga xizmat qiluvchi strategiyalar taklif etilgan.