ZAMONAVIY MUZEY EKSPOZITSIYALARIDA INTERAKTIV TEXNOLOGIYALARNING ILMIY - AMALIY AHAMIYATI

Muzeylar jamiyat hayotida muhim ilmiy-ma’rifiy institut sifatida faoliyat yuritib, tarixiy va madaniy yodgorliklarni o‘rganish, saqlash hamda keng jamoatchilikka yetkazish vazifasini bajaradi. Ular milliy merosni asrab-avaylash bilan birga, uni ilmiy asosda tadqiq etish va targ‘ib qilish orqali jamiyatning ma’naviy va madaniy rivojiga xizmat qiladi. Mazkur maqolada zamonaviy muzey ekspozitsiyalarida interaktiv texnologiyalardan foydalanishning ilmiy va amaliy jihatlari tahlil qilinadi. Raqamli, multimedia, virtual va kengaytirilgan reallik vositalari orqali muzeylarning ilmiy-ta’limiy, kommunikativ va tarbiyaviy funksiyalarini kuchaytirish masalalari yoritiladi. Shuningdek, interaktiv texnologiyalarning tashrif buyuruvchilarning idrok etish jarayoni va muzey muhitidagi faol ishtirokiga ta’siri ochib beriladi. Tadqiqot natijalari interaktiv yondashuvlarning muzeyshunoslik fanini rivojlantirish hamda madaniy merosni ommalashtirishdagi ahamiyatini asoslab beradi.