VERBAL KOMMUNIKATIV KOMPETENSIYANI RIVOJLANTIRISHDA MADANIY VA IJTIMOIY KONTEKSTNING ROLI

Tezisda verbal kommunikativ kompetensiyani rivojlantirishda madaniy va ijtimoiy kontekstning o‘rni kompleks tarzda tahlil qilinadi. Tadqiqotning asosiy diqqat markazida insonning og‘zaki muloqot jarayonida til, madaniyat va ijtimoiy tajribaning o‘zaro ta’sir mexanizmlari hamda ularning shaxsning kommunikativ salohiyatiga ta’siri yoritiladi. Verbal kommunikativ kompetensiya insonning nutqiy, semantik, pragmatik va madaniy jihatdan moslashuvchan bo‘lishini taqozo etadi. Shu nuqtai nazardan, madaniy kontekst — bu shaxs nutqida ifodalangan ijtimoiy qadriyatlar, me’yorlar, nutq etiketi va ramziy tizimlarning yig‘indisi bo‘lib, u kommunikativ jarayonning mazmunini shakllantiradi. Ijtimoiy kontekst esa shaxsning ijtimoiy mavqei, rollari, ijtimoiy guruhdagi maqomi va kommunikatsiya holatiga mos strategiyalar tanlash qobiliyatini belgilaydi.