BIR MAVSUMDA BUG‘DOY VA PAXTA YETISHTIRISHNI TA’MINLAYDIGAN ELЕKTROTЕXNOLOGIYANING IQTISODIY SAMARADORLIGI

Ushbu maqolada bir mavsumda bug‘doy va paxta yetishtirishni ta’minlovchi resurs tejamkor elektrotexnologiyaning iqtisodiy samaradorligi tadqiq etilgan. Tadqiqotlar 2024–2025 yillarda Toshkent viloyati O‘rta Chirchiq tumani fermer xo‘jaliklari sharoitida olib borilib, urug‘larga ultrabinafsha nurlar (253,7 va 300 nm) hamda elektrofaollashtirilgan suv yordamida ishlov berish usuli qo‘llanilgan. Tajriba natijalari elektrotexnologiya qo‘llanilganda bug‘doy va paxta hosildorligi nazorat variantlariga nisbatan sezilarli darajada oshishini ko‘rsatdi. Iqtisodiy hisob-kitoblarga ko‘ra, bir gektar maydonda bug‘doy va paxtani ketma-ket yetishtirishda elektrotexnologiyadan foydalanish 10,1 mln so‘m sof foyda olish imkonini beradi. Olingan natijalar mazkur texnologiyaning qishloq xo‘jaligida oziq-ovqat xavfsizligini ta’minlash va ishlab chiqarish samaradorligini oshirishda istiqbolli ekanligini tasdiqlaydi.