OʻZBEKISTONDA KOʻCHMAS MULK OBYEKTLARINI OMMAVIY BAHOLASH VA PROGNOZLASH MUAMMOLARI

Mazkur ishda Oʻzbekistonda koʻchmas mulk obyektlarini ommaviy baholash va prognozlash tizimini joriy etishning nazariy-metodologik asoslari hamda amaliy muammolari tahlil qilingan. Ommaviy baholashning qiyosiy, daromad va xarajat yondashuvlari, ularning afzallik va cheklovlari qiyosiy jihatdan yoritilgan. Bozorni modellashtirishda additiv, multiplikativ, gibrid va evristik modellar, shuningdek, sunʼiy neyron tarmoqlar asosidagi prognozlash usullaridan foydalanish imkoniyatlari koʻrib chiqilgan. Tadqiqotda kadastr maʼlumotlar bazasining toʻliqligi, narx axborotlarining ishonchliligi, chiziqli bo‘lmagan bogʻliqliklar va maʼlumotlardagi shovqin omillari asosiy muammo sifatida asoslangan. Oʻzbekistonda ommaviy baholash tizimini bosqichma-bosqich joriy etish sharoitida maʼlumotlar sifatini oshirish, ekonometrik va mashinali oʻrganish modellarini integratsiyalash hamda indeksatsiya mexanizmini qoʻllash boʻyicha takliflar ishlab chiqilgan.