SHARQ UYG‘ONISH PEDAGOGIKASINI ZAMONAVIY TA’LIM SIYOSATI VA STRATEGIYASIGA INTEGRATSIYA QILISHNING NAZARIY-METODOLOGIK ASOSLARI

Mazkur tezisda Sharq uyg‘onish davri pedagogik tafakkurining konseptual asoslari, uning gnoseologik, aksiologik va antropologik tamoyillari hamda ularni zamonaviy ta’lim siyosati va strategik boshqaruv tizimiga integratsiya qilish imkoniyatlari kompleks falsafiy-pedagogik tahlil etiladi. Sharq mutafakkirlarining (Forobiy, Ibn Sino, Beruniy, Yassaviy, Navoiy va boshqalar) ta’limga doir qarashlari insonparvarlik, ma’naviy-axloqiy kamolot, intellektual mukammallik va jamiyat taraqqiyotining uzviyligi tamoyillari asosida qayta talqin qilinib, ularning zamonaviy kompetensiyaviy yondashuv, uzluksiz ta’lim, innovatsion boshqaruv hamda milliy ta’lim modeli bilan strukturaviy uyg‘unlashuv mexanizmlari ochib beriladi. Tadqiqotda Sharq uyg‘onish pedagogikasi nafaqat tarixiy-madaniy meros, balki strategik pedagogik resurs sifatida talqin qilinadi. Muallif tomonidan mazkur merosni zamonaviy ta’lim siyosatiga implementatsiya qilishning institutsional, metodik va aksiologik mexanizmlari ishlab chiqilib, ularning yoshlar ma’naviy dunyoqarashi, ijtimoiy mas’uliyati va kreativ tafakkurini shakllantirishdagi ahamiyati ilmiy asoslanadi. Natijada Sharq pedagogik tafakkurini modernizatsiyalangan ta’lim paradigmasi bilan integratsiyalash ta’lim sifatini oshirish, milliy identifikatsiyani mustahkamlash hamda global raqobatbardoshlikni ta’minlashning muhim omili ekanligi dalillanadi.