ವಜಯನಗರ ಸಮರಜಯದ ಸಹತಯ ಸಸಕತ ಮತತ ಕನನಡದ ಪನರತಥನ

ವಿಜಯನಗರ ಸಾಮ್ರಾಜ್ಯ (ಕ್ರಿ.ಶ. 1336–1646) ದಕ್ಷಿಣ ಭಾರತದ ಇತಿಹಾಸದಲ್ಲಿ ರಾಜಕೀಯ–ಸೈನಿಕ ಶಕ್ತಿಯ ಜೊತೆಗೆ ಸಾಂಸ್ಕೃತಿಕ ಮತ್ತು ಸಾಹಿತ್ಯಿಕ ಪುನರ್ಜಾಗರಣದ ಪ್ರಮುಖ ಕೇಂದ್ರವಾಗಿತ್ತು. ಕನ್ನಡ, ತೆಲುಗು, ಸಂಸ್ಕೃತ ಮತ್ತು ತಮಿಳು ಭಾಷೆಗಳ ಪೋಷಣೆಯಾದರೂ, ಕನ್ನಡ ಸಾಹಿತ್ಯದ ಪುನರುತ್ಥಾನದಲ್ಲಿ ಇದರ ಕೊಡುಗೆ ವಿಶೇಷವಾಗಿದೆ. ಜೈನ ಪ್ರಾಬಲ್ಯದಿಂದ ಹೊರಬಂದು ವೀರಶೈವ ಮತ್ತು ವೈಷ್ಣವ ಭಕ್ತಿ ಚಳವಳಿಗಳ ಮೂಲಕ ಕನ್ನಡವು ಜನಸಾಮಾನ್ಯರ ಭಾಷೆಯಾಗಿ ರೂಪುಗೊಂಡಿತು. ಧಾರ್ಮಿಕ ಸಹಿಷ್ಣುತೆ, ರಾಜಾಶ್ರಯ ಮತ್ತು ಜನಪದ ಶೈಲಿಗಳ ಪ್ರೋತ್ಸಾಹವು ಸಾಹಿತ್ಯದ ವೈವಿಧ್ಯತೆಯನ್ನು ವೃದ್ಧಿಸಿತು. ಈ ಲೇಖನವು ವಿಜಯನಗರದ ಐತಿಹಾಸಿಕ ಹಿನ್ನೆಲೆ, ಸಾಹಿತ್ಯ ಸಂಸ್ಕೃತಿ, ಪ್ರಮುಖ ಕವಿಗಳು–ಕೃತಿಗಳು ಮತ್ತು ಕನ್ನಡದ ಪುನರುತ್ಥಾನದ ಮೇಲಿನ ಅದರ ಪ್ರಭಾವವನ್ನು ವಿಶ್ಲೇಷಿಸಿ, ಅದರ ಪರಂಪರೆ ಆಧುನಿಕ ಕನ್ನಡ ಸಾಹಿತ್ಯದಲ್ಲಿಯೂ ಮುಂದುವರಿಯುತ್ತಿದೆ ಎಂಬುದನ್ನು ತಿಳಿಸಿಕೊಡುತ್ತದೆ.