ELEKTRON VASIYATNOMA INSTITUTI: XALQARO TAJRIBA VA UNI O'ZBEKISTONDA QO'LLASHNING HUQUQIY MEXANIZMI

Raqamli texnologiyalar inson hayotining barcha jabhalariga chuqur kirib borayotgan XXI asrda meros huquqi ham ilg‘or innovatsiyalar bilan uyg‘unlashishi tabiiy jarayondir. O‘zbekistonning “Elektron hujjat aylanishi to‘g‘risida”gi, “Elektron raqamli imzo to‘g‘risida”gi va “Elektron hukumat to‘g‘risida”gi qonunlari elektron hujjatlarni tan olish bo‘yicha mustahkam huquqiy zamin yaratgan bo‘lsa-da, elektron vasiyat hali alohida institut sifatida tartibga solinmagan. Shu sababli, elektron vasiyat institutini joriy etish zamon talabi bo‘lib, meros munosabatlarining shaffofligi, aniqligi va xavfsizligini ta'minlash uchun muhim ahamiyatga ega. . Mazkur maqolada elektron vasiyatning huquqiy tabiati o‘rganiladi va undan foydalanishning AQSh, Estoniya va Germaniya davlatlari tajribasi asosida O‘zbekiston Respublikasida joriy etish istiqbollari haqida so’z olib boriladi.