MASOFAVIY TA'LIMNING O'QUVCHILARNING KOGNETIV O'ZLASHTIRISHIGA TA'SIRI OMILLARI.

Mazkur maqolada masofaviy ta’lim sharoitida o‘quvchilarning bilimlarni kognitiv o‘zlashtirish jarayoniga ta’sir etuvchi asosiy omillar tahlil qilinadi. Jumladan, raqamli texnologiyalarning samarali qo‘llanilishi, o‘quv materiallarining didaktik tuzilishi, o‘qituvchi va o‘quvchi o‘rtasidagi interaktiv aloqalar, mustaqil ta’lim ko‘nikmalari hamda motivatsion omillarning roli ilmiy jihatdan yoritilgan. Tadqiqotda masofaviy ta’limning kognitiv jarayonlar — idrok, xotira, tafakkur va diqqatga ta’siri baholanib, ularning samaradorligini oshirish bo‘yicha amaliy tavsiyalar ishlab chiqilgan. Olingan natijalar masofaviy ta’lim sifatini yaxshilash va ta’lim jarayonini shaxsga yo‘naltirilgan holda tashkil etishda muhim ahamiyat kasb etadi.