GINEKOLOGIK MUOLAJALARDA NOSOKOMIAL INFEKSIYALAR VA ULARNI OLDINI OLISH CHORALARI

Ushbu maqolada ginekologik muolajalar jarayonida uchrashi mumkin bo‘lgan nosokomial infeksiyalar, ularning kelib chiqish sabablari va oqibatlari yoritilgan. Shifoxona sharoitida bajariladigan invaziv muolajalar vaqtida infeksiyaning yuqish xavfi yuqori bo‘lib, bu ayollarning reproduktiv salomatligiga salbiy ta’sir ko‘rsatishi mumkin. Maqolada infeksiya manbalari, yuqish yo‘llari hamda eng ko‘p uchraydigan kasalliklar haqida tushunarli ma’lumotlar berilgan. Shuningdek, aseptika va antiseptika qoidalariga rioya qilish, tibbiy asbob-uskunalarni to‘g‘ri sterilizatsiya qilish va profilaktik choralar orqali nosokomial infeksiyalarning oldini olish yo‘llari bayon etilgan. Maqola tibbiyot xodimlari va talabalari uchun amaliy ahamiyatga ega.