KARDIOGEN SHOK

Kardiogen shok yurakning nasoslik funksiyasi keskin susayishi natijasida to‘qimalarga yetarli qon oqimi ta’minlanmaydigan, hayot uchun xavfli bo‘lgan o‘tkir klinik holatdir. Ushbu sindrom ko‘pincha o‘tkir miokard infarkti, og‘ir yurak ritm buzilishlari, kardiyomiyopatiyalar va yurak klapanlari patologiyalari fonida rivojlanadi. Kardiogen shokning dolzarbligi uning yuqori o‘lim ko‘rsatkichi, tez rivojlanishi hamda shoshilinch va kompleks davolash choralarini talab etishi bilan izohlanadi. Mazkur annotatsiyada kardiogen shokning patofiziologik mexanizmlari, klinik belgilarini aniqlash va davolash yondashuvlari ilmiy asosda yoritiladi.