SUN'IY INTELLEKT VA O'ZBEK TILIDA KOMPYUTER LINGVISTIKASI: MUAMMOLAR VA RIVOJLANTIRISH IMKONIYATLARI

Ushbu tadqiqot sun’iy intellekt (AI)ni o‘zbek tilida qo‘llashdagi muammolar va imkoniyatlarni o‘rganadi. O‘zbek tili korpusi yaqindagina yaratilgan va resurslar cheklangan, AI tizimlari esa asosan ingliz tilidagi ma’lumotlar bilan ishlaydi. Shu sababli, AI o‘zbek tilida ravon va tabiiy matn hosil qila olmaydi. Tadqiqotda mavjud adabiyotlar va kompyuter lingvistikasi bo‘yicha ilmiy ishlar tahlil qilindi. Natijalar shuni ko‘rsatadiki, o‘zbek tilida ma’lumotlarni ko‘paytirish, ijtimoiy tarmoqlar va ilmiy manbalarda integratsiya qilish orqali AI imkoniyatlarini kengaytirish mumkin.