IJTIMOIY SOLISHTIRISH FENOMENINING YOSHLAR O'ZIGA BAHO BERISHIGA TA'SIRI

Mazkur maqolada ijtimoiy solishtirish fenomeni va uning yoshlar o‘ziga baho berish jarayoniga ta’siri ilmiy-nazariy va empirik asosda o‘rganildi. Tadqiqotda ijtimoiy solishtirishning yoshlarning o‘zini baholash darajasi, shaxsiy muvaffaqiyatlar va o‘ziga ishonch bilan bog‘liqligi tahlil qilindi. Shu bilan birga, ijtimoiy solishtirishning ijobiy va salbiy psixologik oqibatlari, shaxsning motivatsiyasi va o‘zini anglash jarayoniga ta’siri ko‘rib chiqildi. Empirik qismda 18–25 yoshdagi 120 nafar respondent ishtirokida so‘rovnoma va psixodiagnostik metodlar orqali ijtimoiy solishtirish tendensiyalari va o‘zini baholash darajasi o‘rganildi. Tadqiqot natijalari shuni ko‘rsatdiki, ijtimoiy solishtirishning yuqori darajasi ko‘pincha o‘zini baholashning pasayishiga va tashvishlanishning ortishiga olib keladi, ammo maqsadli va konstruktiv solishtirish o‘zini anglash va shaxsiy motivatsiyani oshirishga yordam beradi. Maqola xulosalarida yoshlar o‘zini baholashining ijtimoiy solishtirish kontekstida optimallashtirish bo‘yicha psixologik tavsiyalar ishlab chiqilgan.