ZAMONAVIY OILADA SHAXSLARARO MUNOSABATLAR INQIROZI VA PSIXOLOGIK YONDASHUVLAR

Mazkur maqolada zamonaviy oilada shaxslararo munosabatlar inqirozining psixologik omillari va ularni bartaraf etishning nazariy-amaliy yondashuvlari tahlil qilinadi. Jamiyatdagi ijtimoiy-iqtisodiy o‘zgarishlar, raqamli muhitning kengayishi, qadriyatlar transformatsiyasi va rollar tizimidagi nomuvofiqlik oilaviy munosabatlarda psixologik ziddiyatlarning kuchayishiga olib kelmoqda. Tadqiqotda oilaviy munosabatlar inqirozining asosiy determinantlari — kommunikativ muammolar, emotsional uzoqlashuv, rollar konflikti va stress omillari psixologik nuqtai nazardan yoritilgan. Nazariy tahlil zamonaviy oila psixologiyasi, tizimli yondashuv va emotsional-intellekt konsepsiyalariga tayangan holda amalga oshirildi. Empirik ma’lumotlar oilaviy munosabatlarda emotsional barqarorlik va o‘zaro tushunish darajasining pasayishi psixologik farovonlikka salbiy ta’sir ko‘rsatishini tasdiqlaydi. Maqolada oilaviy munosabatlarni barqarorlashtirish, ziddiyatlarni konstruktiv hal etish va psixologik yordam ko‘rsatish bo‘yicha ilmiy asoslangan tavsiyalar ishlab chiqilgan.