SHAXSNING HUQUQIY XULQ-ATVORI VA MILLIY G'OYA TALABLARINING PSIXOLOGIK ASOSLARI

Ushbu maqolada shaxsning huquqiy xulq-atvorini shakllantirish jarayonida psixologik omillarning, ijtimoiy muhitning va milliy g‘oya talablari asosida rivojlanadigan ongiy-ma’naviy mexanizmlarning roli yoritiladi. Huquqiy ong, huquqiy madaniyat va fuqarolik mas’uliyati kabi kategoriyalar milliy g‘oya bilan uzviy bog‘liq bo‘lib, ular shaxsning ijtimoiy hayotdagi faol pozitsiyasini belgilaydi. Maqolada shaxsning ongida huquqiy qadriyatlar tarkib topishining psixologik omillari, motivatsion tizim, ijtimoiy identifikatsiya, iymon-e’tiqod va ma’naviy qarashlarning huquqiy xulq-atvorga ta’siri tahlil etiladi. Shu bilan birga, milliy g‘oya talablari fuqarolarning huquqiy faoliyatini yo‘naltiruvchi ma’naviy-psixologik kuch sifatida yoritilib, yoshlar tarbiyasida huquqiy ongni mustahkamlashning amaliy mexanizmlari ko‘rsatib o‘tiladi.