XULQIDA OG'ISHI BOR BOLALARNING PEDAGOGIK-PSIXOLOGIK ASOSLARI

Hozirgi globallashuv davrda, ta’lim tizimi tubdan o‘zgarib bormoqda. Axborot kommunikatsiya texnologiyalari va media vositalarining jadal rivojlanishi ijtimoiy iqtisodiy va madaniy hayotga nihoyatda chuqur ta’sir ko‘rsatmoqda. Bunday muhitda o‘sib kelayotgan yosh avlod – ayniqsa, xulqida og‘ishi bor bolalarning tarbiyasi va ularning ma’naviy kamoloti o‘ta ahamiyatli masalaga aylanyapti. Globallashuvdan kelib chiqadigan turli mafkuraviy tahdidlar, chetdan kirib kelayotgan g‘oyalar, oilaviy muammolar, ta’lim muassasalaridagi kelishmovchiliklar natijasida bolalarning xulqida og‘ish dolzarb ahamiyat kasb etmoqda.