ID ASOSIDA YUZNI ANIQLASH TIZIMLARI XAVFSIZLIGI

Ushbu ilmiy maqolada ID asosida yuzni aniqlash tizimlarining texnologik mohiyati, ishlash algoritmlari, kiberxavfsizlik bo‘yicha zamonaviy talablar hamda ushbu tizimlarni qo‘llash jarayonida uchraydigan tahdidlar har tomonlama tahlil qilinadi. Biometrik identifikatsiya texnologiyalarining asosiy komponentlari — yuz tasvirini olish, biometrik xususiyatlarni ekstraksiyalash, matematik shablonlarni yaratish va ID ma’lumotlari bilan taqqoslash jarayoni ilmiy nuqtai nazardan yoritilgan. Tadqiqot davomida yuzni aniqlash tizimlariga xos bo‘lgan xavflar, jumladan, spoofing hujumlari, deepfake orqali soxtalashtirish, biometric shablonlarni o‘g‘irlash, tarmoq orqali uzatilayotgan ma’lumotlarga tajovuz, noto‘g‘ri tanib olish (false acceptance / false rejection) kabi xavfsizlik muammolari keng ko‘lamda tahlil etilgan.