MENSTRUAL SIKLNING PATOFIZIOLOGIYASINI ASORATLARI VA DAVOLASH USULLARI

Menstrual sikl ayol organizmidagi murakkab neyroendokrin, gormonal va reproduktiv jarayonlar yig‘indisi bo‘lib, gipotalamus–gipofiz–tuxumdonlar o‘qi orqali boshqariladi. Ushbu tizimning har qanday bo‘g‘inida yuzaga keladigan funksional yoki organik buzilishlar menstrual sikl patofiziologiyasining shakllanishiga olib keladi. Menstrual sikl buzilishlari nafaqat reproduktiv salomatlikka, balki ayol organizmining umumiy metabolik, psixoemotsional va kardiovaskulyar holatiga ham salbiy ta’sir ko‘rsatadi. Gormonal disbalans, yallig‘lanish jarayonlari, metabolik sindrom, stress omillari va genetik moyillik menstrual siklning patofiziologik mexanizmlarini chuqurlashtiruvchi asosiy omillar hisoblanadi.