LOGOPEDIK TASHXIS JARAYONIDA ZAMONAVIY NEYROTEXNOLOGIYALARDAN FOYDALANISH

Mazkur maqolada logopedik tashxis jarayonida zamonaviy neyrotexnologiyalardan foydalanishning ilmiy-nazariy asoslari, amaliy imkoniyatlari yoritilgan va inkluziv ta’lim haqida yoritilgan. Nutq buzilishlarini aniqlashda an’anaviy tashxis usullarining chegaralanganligi, zamonaviy texnologiyalar – elektroensefalografiya (EEG), magnit-rezonans tomografiya (MRT) va neyrofeedback tizimlarining logopediya amaliyotida tutgan o‘rni tahlil etilgan. Shuningdek, dislaliya, dizartriya, alaliya, afaziya, disleksiya va disgrafiya kabi nutq buzilishlarini erta aniqlashda neyrotexnologiyalarning afzalliklari ko‘rsatib o‘tilgan. Maqolada logoped va neyropsixolog hamkorligi, diagnostika jarayonida texnologik yondashuvlarning qo‘llanishi, ularning afzalliklari hamda ayrim cheklanishlari ochib berilgan. Tadqiqot natijalari logopediya fanida tashxis jarayonini takomillashtirish va nutq buzilishlarini samarali aniqlashga xizmat qiladi.