Mahsulotlarni haqiqiy tannarx bo'yicha buxgalteriya hisobida aks ettirishning nazariy va amaliy jihatlari

Mazkur maqolada yengil sanoatning to‘qimachilik tarmog‘ida tayyor mahsulotlar hisobini yuritish masalalari xorijiy tajriba asosida tahlil qilingan. Dunyoning yetakchi to‘qimachilik korxonalari va rivojlangan mamlakatlar amaliyotida tayyor mahsulotlar hisobini tashkil etishning o‘ziga xos jihatlari yoritib berilgan. Shuningdek, tayyor mahsulotlarni rejalashtirilgan va haqiqiy tannarx asosida baholash, og‘ishlarni aniqlash hamda ularning korxona moliyaviy natijalariga ta’siri ko‘rib chiqilgan. Maqolada yengil sanoat korxonalarida tayyor mahsulotlar harakati, hujjatlashtirish tizimi va daromadlarni shakllantirish jarayonlari tahlil qilinib, xorij tajribasini respublikamiz amaliyotiga joriy etish imkoniyatlari asoslab berilgan. Tadqiqot natijalari to‘qimachilik korxonalarida hisob va tahlil tizimini takomillashtirishga xizmat qiladi.