NODAVLAT NOTIJORAT TASHKILOTLARIDA BUXGALTERIYA XISOBI

Nodavlat notijorat tashkilotlari (NNTlar) zamonaviy jamiyatda ijtimoiy, madaniy, ta’limiy va insonparvarlik vazifalarini amalga oshirishda muhim institutsional subyekt sifatida maydonga chiqmoqda. Ularning faoliyati, asosan, grantlar, xayriya mablag‘lari va maqsadli moliyalashtirish hisobiga olib borilishi sababli buxgalteriya hisobining tashkil etilishi alohida metodologik yondashuvni talab etadi. Mazkur maqolada nodavlat notijorat tashkilotlarida buxgalteriya hisobining nazariy asoslari, amaliy mexanizmlari hamda moliyaviy shaffoflik va hisobdorlikni ta’minlashdagi o‘rni ilmiy tahlil qilinadi. Tadqiqot jarayonida NNTlarda buxgalteriya hisobi faqat hisob-kitob vositasi emas, balki boshqaruv qarorlarini asoslovchi va jamoatchilik ishonchini mustahkamlovchi muhim institut ekanligi asoslab beriladi.