OLIY TA'LIM MUASSASALARIDA AXLOQIY MUHIT VA AKADEMIK INTIZOMNI MUSTAHKAMLASH MASALALARI

Zamonaviy oliy ta’lim tizimi sharoitida ta’lim sifati va samaradorligini oshirish masalasi nafaqat bilim va kompetensiyalarni shakllantirish, balki talabalarda axloqiy qadriyatlar va akademik intizomni mustahkamlash bilan ham chambarchas bog‘liqdir. Globallashuv, raqamli texnologiyalarning jadal rivojlanishi hamda axborot resurslarining kengayishi oliy ta’lim muassasalari oldiga yangi talablarni qo‘ymoqda. Ushbu jarayonda akademik halollik, mas’uliyat, adolat va intizom tamoyillariga asoslangan axloqiy muhitni shakllantirish dolzarb pedagogik muammolardan biri sifatida namoyon bo‘lmoqda.