MATEMATIKA DARSLARIDA INNOVATSION PEDAGOGIK TEXNOLOGIYALARDAN FOYDALANISH

Ushbu amaliyot hisobotida matematika darslarida interfaol metodlardan foydalanishning o‘quvchilar faolligiga ta’siri o‘rganildi. Amaliyot davomida savol-javob, guruhli ishlash, muammoli ta’lim va “aqliy hujum” metodlari qo‘llanilib, ularning samaradorligi kuzatildi. Tadqiqot natijalari shuni ko‘rsatdiki, interfaol metodlar o‘quvchilarning mavzuni chuqurroq o‘zlashtirishini, mustaqil fikrlash va jamoaviy ishlash ko‘nikmalarini rivojlantirishini ta’minlaydi. Shuningdek, ko‘rgazmali vositalar va axborot-kommunikatsiya texnologiyalaridan foydalanish darsni qiziqarli va samarali qiladi. Ishda O‘zbekiston va chet el olimlarining ilmiy tadqiqotlari tahlil qilinib, amaliyot natijalari bilan solishtirilgan. Mazkur hisobot matematika darslarida interfaol metodlarni samarali qo‘llash bo‘yicha xulosa va takliflarni beradi.