СУРУНКАЛИ ДЕСТРУКТИВ ОСТИТЛАРДА МИКРООРГАНИЗМЛАР ПЕЙСАЖИ ВА ҚЎЛЛАНИЛАДИГАН ОСТЕОПЛАСТИК МАТЕРИАЛЛАРГА АДГЕЗИВЛИГИНИ БАҲОЛАШ

Сурункали деструктив остит ташхиси қўйилган беморларда суяк ўрнини босувчи маҳаллий ва хорижий остеопластик материалларни қўллаш динамикасида микроорганизмлар тарқалганлик даражаси ва реконструктив материалга бактериялар адгезияси таҳлил қилинди. Микрофлорани сифат кўрсаткичларига эътибор қаратадиган бўлсак, Streptococcus spp., Candida авлоди вакиллари 100% текширилувчи беморларда қайд қилинди. 77 нафар бемордан граммусбат, грамманфий, анаэроб ва факультатив анаэроб 49 штамм ажратилган. Граманфий бактериялар 11 штамм (22,4 %), 24 (48,9%) факультатив анаэроблар бўлиб уларни асосий қисмини стафилакокклар, стрептококклар ташкил этди, қолган 28,5 % вакиллар анаэроб штаммларга тегишли эканлиги аниқланди.