AN'ANA, AXLOQ VA GLOBALLASHUV: FALSAFIY-AXLOQIY JIHATLAR

Maqolada an’anaviy axloqiy tizimlar va globallashuv jarayonlarining o‘zaro ta’siri muammosi ko‘rib chiqiladi. Dunyoning madaniy aloqadorligi sharoitida qadriyat yo‘nalishlarining o‘zgarishi tahlil qilinib, an’ananing axloqiy barqarorlik va o‘ziga xoslik manbai sifatidagi falsafiy-axloqiy ahamiyati ochib berilgan. An’ana, uning arxaikligi tanqid qilinishiga qaramay, axloqiy vorisiylikni saqlab qolishning eng muhim omili bo‘lib qolishi va universal axloqiy modellar bilan nafaqat ziddiyatli, balki komplementar tarzda o‘zaro ta’sir qilishi haqidagi fikr asoslangan.