IJTIMOIY EMOTSIANAL KO'NIKMALARINI TAKOMILLASHTIRISH MEXANIZMLARI

Maqolada maktabgacha yoshdagi bolalarda emotsional intellektni shakllantirishning nazariy asoslari va amaliy yo‘nalishlari yoritiladi. Tadqiqotda bolalarning his tuyg‘ularini anglash ularni boshqarish, empatiya, ijtimoiy muloqot kabi emotsional ko‘nikmalarni erta yosh davrida shakllanishi alohida urg‘u bilan bayon etiladi. Xalqaro tajribada qo‘llanilayotgan rolli mashg‘ulotlar, hissiy hikoyalar va interfaol metodlarning samaradorligi tahlil qilinadi. Abu Nasr Farobiy, P. Salovey va J. Mayer, L.S. Vygotskiy kabi olimlarning nazariy qarashlari asosida emotsional intellektning tarkibiy qismlari va bolalarning ijtimoiy-kognitiv rivojlanishidagi ahamiyati ilmiy yondashuv asosida tushuntirilgan. Shuningdek, oilaviy muhitning ta’siri, ota-onalarning emotsional madaniyati, pedagog va tarbiyachilarning individual yondashuvlari kabi omillar bolalarning hissiy rivojlanishida muhim o‘rin tutishi ko‘rsatib o‘tiladi.