ONA TILI DARSLARIDA O'QUVCHILARNING LINGVISTIK KOMPETENSIYALARINI BAHOLASH

Ushbu maqola ona tili darslarida o‘quvchilarning lingvistik kompetensiyalarini baholashning samarali shakllarini o‘rganishga bag‘ishlangan. Lingvistik kompetensiya o‘quvchining til bilimlari, grammatika, leksika, talaffuz va muloqot ko‘nikmalarini o‘z ichiga oladi. Maqolada test, insho, og‘zaki va yozma vazifalar, rolli o‘yinlar, so‘rov va interaktiv mashqlar orqali kompetensiyalarni baholash metodlari tahlil qilinadi. Shuningdek, baholash mezonlari, objektivlik va adolat prinsiplari, o‘quv jarayonida differensial yondashuv qo‘llash imkoniyatlari ham ko‘rib chiqiladi. Tadqiqot natijalari ona tili o‘qituvchilari uchun baholash jarayonini samarali tashkil etish va o‘quvchilarning til ko‘nikmalarini rivojlantirishda amaliy yo‘nalishlarni taklif qiladi.