MULOQOT QILISH KO'NIKMALARINI RIVOJLANTIRISH MUAMMOSI: O'ZBEK TILINI IKKINCHI TIL SIFATIDA O'RGANISH TAJRIBASIDAN

21-asrdagi end qimmatli kasbiy ko‘nikmalar orasida davlat tili kompetensiyalari, garchi doimo shunday baholanmasa ham, alohida o‘ringa ega. Davlat tili kompetensiyalari fikrlash aniqligi, kasbiy muloqot, shuningdek, ijtimoiy va tashkiliy masalalarni yechishda faol qatnashish qobiliyatini yaxshilaydi [1]. U ham ko‘plab kasb-hunar uchun kerakli yuqori darajali kognitiv ko‘nikmalar, tahlil qilish va muammo yechish qobiliyatini shakllantirishga yordam beradi. Bundan tashqari, aniq va mahalliy sharoitga mos muloqotni qo‘llab quvvatlaydigan davlat tili kompetensiyalari guruhda ishlash, yetakchilik qilish va mijozlarni jalb qilish kabi ko‘nikmalarning negizida yotadi. Shunday qilib, garchi raqamli va ijtimoiy-emotsional ko‘nikmalar 21-asrdagi muvaffaqiyat garovi bo‘lsa-da [2, 3], davlat tili kompetensiyalari o‘ta dolzarb hisoblanib, boshqa kasbiy ko‘nikmalarni boyitadi.