INKLUZIV TA'LIMDA VR ORQALI RAQAMLI AXBOROT XIZMATI FANINING O'QITISH USULLARI

Ushbu tezisda inkluziv ta’lim sharoitida Virtual reallik (VR) texnologiyalaridan foydalanib “Raqamli axborot xizmati ” fanini o‘qitishning samarali usullari tahlil qilinadi. VR muhitida yaratilgan virtual kutubxona, kataloglash laboratoriyasi va axborot-qidiruv tizimlari simulyatsiyasi orqali talabalar, jumladan imkoniyati cheklangan o‘quvchilar uchun teng ta’lim imkoniyatlari yaratilishi ko‘rsatiladi. VR texnologiyalarining inkluziv talabalarga moslashtirilishi — subtitrlar, ovozli boshqaruv, kontrast interfeys, soddalashtirilgan navigatsiya kabi yechimlar bilan ta’minlanadi. Tadqiqot natijalari shuni ko’rsatadiki, VR asosidagi o‘qitish usullari “Raqamli axborot xizmati” fanida amaliy ko‘nikmalarni rivojlantirish, ta’limning ko‘rgazmaliligini oshirish va barcha talabalar uchun qulay o‘quv muhitini yaratishda yuqori samaradorlikka ega.