EMOTSIONAL INTELLEKT: TA'LIM JARAYONIDAGI ROLI

Ushbu maqolada emotsional intellektning ta’lim jarayonidagi o‘rni va ahamiyati kompleks tarzda yoritilgan. Emotsional intellektning tarkibiy qismlari o‘z-o‘zini anglash, emotsiyalarni boshqarish, empatiya, motivatsiya va ijtimoiy ko‘nikmalar o‘quv jarayonining psixologik va pedagogik jihatlari bilan bog‘liq holda tahlil qilinadi. Tadqiqotda emotsional intellektning o‘quvchilarning o‘qishga bo‘lgan ichki motivatsiyasini shakllantirish, sinfdagi ijtimoiy-psixologik muhitni optimallashtirish va pedagogik muloqot samaradorligini oshirishdagi roli ilmiy asoslangan dalillar asosida bayon etiladi. Shuningdek, maqolada zamonaviy ta’lim muhitida emotsional intellekt yetishmasligining oqibatlari, ruhiy zo‘riqish, stress, rivojlanishdagi to‘siqlar kabi omillar ham ko‘rib chiqiladi. Emotsional intellektni rivojlantirishga qaratilgan pedagogik texnologiyalar, trening metodlari, refleksiya mashqlari va o‘qituvchilarning EI kompetensiyalarini takomillashtirish bo‘yicha samar ali yondashuvlar taklif etiladi. Natijalar shuni ko‘rsatadiki, emotsional intellekti rivojlangan o‘quvchi hamda pedagoglar o‘rtasida ijobiy o‘zaro munosabat shakllanib, ta’lim samaradorligi sezilarli darajada ortadi.