BARQAROR RIVOJLANTIRISH DASTURLARI VOSITASIDA KAMBAG'ALLIKNI QISQARTIRISHDA ILG'OR MAMLAKATLAR TAJRIBALARIDAN FOYDALANISH

Bugungi kunda ko’plab mamlakatlar qatori O‘zbekiston ham barqaror rivojlanish yo’li orqali mamlakatda mavjud bo’lgan ishsizlik va kambag’alchilik muammolarini hal qilishni ustuvor maqsad qilib o’z oldiga qo’ygan. Bu yo’lda yevropa mamlakatlarining amalga oshirayotgan islohotlari va dasturlarini o’rganib undan andoza olish juda muhim qadam hisoblanadi. Hozirgi kunda barqaror rivojlanish masalasi jahon hamjamiyatining eng dolzarb va muhim mavzularidan biri hisoblanadi. Bu masalaga e’tiborning kuchayishi bejiz emas, chunki barqaror rivojlanish insoniyatning nafaqat bugungi, balki kelajak avlodlar farovonligi, ijtimoiy adolat, iqtisodiy o‘sish va ekologik muvozanatni saqlash bilan chambarchas bog‘liqdir. Zamonaviy dunyoda global iqlim o‘zgarishi, tabiiy resurslarning kamayishi, qashshoqlik va tengsizlik kabi muammolar davlatlarni barqaror rivojlanish tamoyillariga asoslangan siyosat yuritishga majbur qilmoqda.