ONLAYN VA OFLAYN INGLIZ TILI TA'LIMINI TAQQOSLASH

Mazkur maqolada ingliz tili ta’limida muhim ahamiyat aks etayotgan onlayn va oflayn ta’lim shakllari har tomonlama qiyosiy tahlil qilinadi. Tadqiqot jarayonida har ikki ta’lim turining metodik xususiyatlari, ta’lim jarayonini tashkil etish shakllari, o‘quvchilarning tinglab tushunish, gapirish, o‘qish va yozish ko‘nikmalarini rivojlantirishdagi samaradorligi o‘rganiladi va onlayn ta’limning zamonaviy axborot-kommunikatsiya texnologiyalariga asoslanganligi, individual yondashuv imkoniyatlari, mustaqil ta’limni rivojlantirishdagi o‘rni yoritib beriladi. Oflayn ta’limda esa an’anaviy dars shaklining ustun jihatlari, jonli muloqot, o‘qituvchi va o‘quvchi o‘rtasidagi bevosita aloqaning ta’lim sifati va motivatsiyaga ta’siri tahlil qilinadi.