BOSHLANG'ICH SINF O'QUVCHILARIDA TASHABBUSKORLIK VA MUSTAQILLIKNI RIVOJLANTIRISH METODLARI

Boshlang’ich sinf o’quvchilarida tashabbuskorlik va mustaqillik — shaxsning ijodiy faoliyat ko‘rsatishi, o‘z fikrini erkin ifoda etishi va mustaqil qaror qabul qilish qobiliyatini shakllantiruvchi asosiy pedagogik sifatlar hisoblanadi. Bugungi ta’lim jarayonida bu sifatlar bolaning shaxsiy rivojlanishi, ijtimoiy moslashuvi va kelajakdagi kasbiy muvaffaqiyatiga bevosita ta’sir ko‘rsatadi. Xususan, boshlang‘ich ta’lim bosqichida boshlang’ich sinf o’quvchilarining tashabbuskorligi va mustaqilligi ularning o‘qishga bo‘lgan qiziqishini oshirish, mustaqil fikrlashni rivojlantirish va ijtimoiy ko‘nikmalarni shakllantirishda muhim rol o‘ynaydi. Shu sababli, pedagogik jarayonda boshlang’ich sinf o’quvchilarida bu sifatlarni rivojlantirishga qaratilgan metod va usullarni aniqlash va tizimli ravishda qo‘llash dolzarb ilmiy masala sifatida e’tiborga molikdir.