RAQAMLI TEXNOLOGIYALAR TUSHUNCHASI VA TA'LIMDAGI O'RNI

Ushbu ilmiy maqolada raqamli texnologiyalar tushunchasi, ularning rivojlanish bosqichlari hamda zamonaviy ta’lim tizimidagi o‘rni nazariy va tahliliy jihatdan yoritilgan. Raqamli texnologiyalarning ta’lim jarayoniga integratsiyasi o‘quvchilarning bilish faolligini oshirish, mustaqil ta’lim kompetensiyalarini shakllantirish va ta’lim sifatini yaxshilash omili sifatida asoslab berilgan. Tadqiqotda UNESCO va OECD kabi xalqaro tashkilotlar hisobotlari, shuningdek, M. Prensky, D. Laurillard, V. P. Bespalko, E. Polat kabi yetakchi olimlarning ilmiy qarashlari tahlil qilingan. Maqola raqamli ta’lim muhitini samarali tashkil etish bo‘yicha ilmiy xulosalar bilan yakunlanadi.