АГРЕССИЯ ЖӘНЕ АГРЕССИВТІ МІНЕЗ-ҚҰЛЫҚТЫҢ ПСИХОЛОГИЯЛЫҚ НЕГІЗДЕРІ: ФОРМАЛАРЫ МЕН ФАКТОРЛАРЫ

Мақалада агрессия мен агрессивті мінез-құлық мәселесінің психологиялық табиғаты, оның көрініс формалары және дамуына әсер ететін факторлар жүйелі түрде талданады. Шетелдік зерттеушілердің көзқарастары негізінде агрессияның түрлі теориялық модельдері қарастырылып, А. Басс пен А. Дарки жіктеген агрессия формаларының сипаттамасы беріледі. Э. Фромм, А. Бандура, Д. Доллард сияқты авторлардың агрессияның пайда болуындағы ішкі (биологиялық, генетикалық, темпераменттік) және сыртқы (әлеуметтік орта, экологиялық стрессорлар, тәрбиелік ықпал) факторларға қатысты тұжырымдары сарапталады. Теориялық талдау нәтижелері агрессияның адам мінез-құлқында күрделі, көпдеңгейлі құбылыс екендігін және оның қалыптасуы биологиялық алғышарттар мен әлеуметтік-мәдени ықпалдардың өзара байланысына негізделетінін көрсетеді.