TALABALARDA INDIVIDUAL VA IJTIMOIY DUNYOQARASHNI SHAKLLANTIRISHNING PEDAGOGIK-FALSAFIY ASOSLARI

Mazkur maqolada talabalarning individual va ijtimoiy dunyoqarashini rivojlantirish masalasi pedagogik va falsafiy yondashuvlar asosida tahlil etiladi. Dunyoqarashning shakllanishi shaxsning aqliy salohiyati, hayotiy tajribasi, ilmiy bilimlari va ma’naviy qadriyatlari bilan uzviy bog‘liqligi ochib beriladi. Individual dunyoqarashning ijtimoiy ong bilan o‘zaro aloqasi, ularning bir-birini boyituvchi va rivojlantiruvchi xususiyatlari asoslanadi. Maqolada aql, ong, fikrlash, ilm va g‘oya tushunchalarining shaxs kamolotidagi o‘rni yoritilib, ilmiy dunyoqarashni kengaytirish orqali talabalarning intellektual, ma’naviy va ijtimoiy yetukligini ta’minlash imkoniyatlari ko‘rsatib beriladi. Shuningdek, ilmli va fikrlovchi shaxsni tarbiyalash jamiyat taraqqiyotining muhim omili ekanligi ilmiy jihatdan asoslanadi.