XORIJIY TILLARNI O'RGANISHDA O'ZBEK TILINING AHAMIYATI

Mazkur maqolada xorijiy tillarni o‘rganish jarayonida ona tilining, xususan, o‘zbek tilining tutgan o‘rni va ahamiyati yoritiladi. Tadqiqot jarayonida ona tilining shaxs tafakkuri va nutq faoliyatini shakllantirishdagi asosiy vosita ekanligi lingvistik va psixolingvistik nuqtayi nazardan tahlil qilinadi. O‘zbek tilining grammatik tuzilishi, so‘z yasash imkoniyatlari va semantik boyligi xorijiy tillarni o‘zlashtirishda muhim tayanch bo‘lishi ilmiy manbalar asosida asoslab beriladi. Shuningdek, ona tiliga tayangan holda olib borilgan ta’limning ko‘p tillilik sharoitida samaradorligi hamda uning tarjima va madaniyatlararo muloqot kompetensiyasini rivojlantirishdagi o‘rni ko‘rsatib beriladi. Tadqiqot natijalari xorijiy tillarni o‘qitish metodikasini takomillashtirish uchun nazariy va amaliy ahamiyatga ega.